C'l artìcol chè 'l è scrit in
Carpśàn |
Caregiver l'è na paròla tòlta da 'l ingléś, ch'la mèt insèm care, a dìr "cura", "atensiòun", e 'l verb to give, "dèr", e dòunca al vōl stèr a indichèr cal parèint o amîg, o spōś, despès più śóven mo la nn'è mìa dìta, ch'al bèda, al tin adrē, a tant biśògn ch'a selta fóra a 'n ansiàn o a 'n diśàbil ed lung a 'l tèimp.
A diferèinsa del badànti, al caregiver 'l aiùta al famigliêr per necesitê o volontariamèint e l'a nn'è minga dìta ch'al gh'àpia na remunerasiòun per quèst.
Infìn a incō i caregiver i patìven el mìl dificoltê 'd chi 'l dév pinsèr a lavurèr, a tgnìr adrē ala só famìja e a badèr ai biśògn edl ansiàn, sàinsa nisùna forma 'd viśibilitê, mo in di ùltem tèimp, catèda la manéra 'd asocères in cìc e pò via via più in grand, a s è capî i biśògn ed cla categorìa ed persòuni chè, ch'a gh'n è sèimper de più, vìst anc al crèser di ansiàn in di nòster tèimp, e dòunca a s è drē a dmandèr ala Lēś, di arcgnusimèint, socèl e pò econòmic, in só ajùt.
© MMXXIII Rich X Search. We shall prevail. All rights reserved. Rich X Search